काठमाडौं, वैशाख २८। राष्ट्रिय स्वतन्त्र पार्टी (रास्वपा) ले उपनिर्वाचनको समीक्षा र वर्तमान राजनीतिक अवस्थाबारे छलफल गर्न केन्द्रीय समितिको बैठक बोलाएको छ।

रास्वपा महासचिव मुकुल ढकालका अनुसार केन्द्रीय समितिको बैठक आगामी वैशाख २९ गते बस्नेछ। उनले भने, "समग्र परिस्थितिको मूल्याङ्कन, उपनिर्वाचनको विश्लेषण र अन्य विषयमा छलफल हुनेछ।"

यसैबीच, गत उपनिर्वाचनमा इलाम-२ मा रास्वपाले चौथो स्थानमा मात्र मत प्राप्त गरेपछि पार्टीका नेताहरूले परिणामलाई अप्रत्याशित बताएका छन्।

अर्कोतर्फ, नयाँ गठबन्धन बनेपछि वैशाख २१ गतेदेखि दुई महिना पुग्नै लाग्दा रास्वपा सरकारमा सहभागी भएको छ। पार्टी बैठकमा सरकारमा सहभागिता र प्रभावकारिताबारे समेत छलफल हुने रास्वपाले बताएको छ। पार्टीको बैठक बनस्थली केन्द्रीय कार्यालयमा हुनेछ।

यसैबीच, शुक्रबार सचिवालय बैठक र वैशाख २४ गते संसदीय दलको बैठकसमेत बोलाइएको छ।